Gol, asiste dhe fitore për Edon Zhegrovën në Ligue 1. Lille triumfoi 1-3 me përmbysje në “Roazhon Park” përballë Rennes, stadium ku vendasit nuk humbitnin prej gushtit të kaluar.
Skuadra e Paulo Fonsecas kaloi në disavantazh në minutën e parë, por sulmuesi i talentuar dardan riktheu baraspeshën në minutën e 59’.
Zhegrova mori një asist me finte nga Angel Gomes dhe goditi menjëherë me të majtën duke dërguar topin në rrjetë. Ky ishte goli i parë sezonal në Ligue 1 për 23-vjeçarin.
Sulmuesi i Kosovës nuk u ndal dhe dhuroi dy asistet e golave të tjerë të Lille. Pasimet e tij u kthyen në gola nga Remy Cabella dhe Andre Gomes.
Futbollisti shqiptar u shpall më i miri i ndeshjes, ndërsa Lille është ngjitur në vendin e gjashtë me 38 pikë dhe po garon për një biletë europiane.
