Arlind Ajeti gjeti rrugën e rrjetës në Itali. Mbrojtësi shqiptar po garon me Pordenonen në Serie C. 29-vjeçari shënoi golin e fitores 1-0 ndaj Pro Sesto, triumf që sjell parakalimin ndaj kundërshtari në renditje.
Pordenone mban vendin e dytë me 58 pikë, katër më pak se kryesuesit e FeralpiSalo, pozicion që sjell kalimin në divizionin e dytë të futbollit italian.
Lexo edhe:
- VIDEO/ Vendos goli i Swiderskit, Sylvinho debuton me humbje te Shqipëria
- Qershori, muaji i rëndësishëm i kombëtares
- Gjasula: Ishim pa fat, jam shumë optimist për të ardhmen
- VIDEO/ Lojtarët e Perusë përleshen me policinë spanjolle, arrestohet portieri i kombëtares!
Ishte minuta e 14’ kur Ajeti me kokë tundi rrjetën kundërshtare, duke gjetur golin e gjashtë sezonal. Qendërmbrojtësi shqiptar është golashënuesi i tretë më i mirë i skuadrës.
Ajeti nuk mori ftesë nga Sylvinho për takimin ndaj Polonisë, por mbetet në xhiron e Kombëtares, gjë të cilën e konfirmoi edhe trajneri brazilian.
“Kemi parë 240 ndeshje dhe rreth 70 lojtarë. Për çdo lojtar që marrim lëmë tre të tjerë jashtë. Edhe Ajeti është në radarin tonë. Është një lojtar shumë i aftë”, deklaroi Sylvinho.
