Rivaliteti Barcelona-Real Madrid vazhdon prej dekadash dhe as një eurogol me roveshatë nuk i jep fund “armiqësisë” mes dy ekipeve më të mëdha të futbollit spanjoll.
Fermin Lopez është 18 vjeç, luan si sulmues i majtë dhe aktivizohet me ekipin U19 të Barcelonës. Adoleshenti i talentuar realizoi një eurogol me roveshatë në ndeshjen e fundit.
Më pas “gafa” duke festuar si Cristiano Ronaldo, veprim që nuk është pritur mirë nga tifozët dhe klubi katalanas. Në postimin e golit fantastik në Instagram, Barcelona ka hequr pjesën e festës së Lopez.
“Censura” është vënë re dhe të shumtë janë ata që kanë komentuar në lidhje me një gjë të tillë, por asnjë përgjigje nga Barcelona, që nuk mund të pranojë një festim të një prej rivalëve më të mëdhenj në histori, duke iu referuar nëntë sezoneve që CR7 kaloi në “Santiago Bernabeu” me Real Madrid.
View this post on Instagram
