Tifozët e shumtë në numër, të pranishëm në përballjen e fituar 3-0 me Sileksin shpërthyen në festë për titullin e parë në histori të Strugës.
Entuziazëm i papërshkrueshëm për një rrugëtim magjik të ekipit të shqiptarëve (i themeluar në vitin 2015), që hodhi poshtë të gjitha parashikimet, duke u shpallur kampion i Maqedonisë së Veriut.
Pas vërshëllimës së trefishtë të kryesorit, nisi festa e tifozëve, të cilët pushtuan fushën për të gëzuar bashkë me heronjtë e këtij titulli historik.
Sezoni magjik pritet të kompletohet me triumfin edhe në Kupë, me finalen që do të zhvillohet më 20 maj, përballë Makedonija GP.
