Robert Lewandowski është rikthyer në Mynih për të marrë sendet personale, por teksa ishte duke u larguar nga kryeqendra e Bavarisë, hasi në kontestimin e tifozëve të Bayernit, që nuk e kanë honepsur aspak largimin e tij.
“Hala Madrid” ishte thirrja e tifozëve bavarezë që njohën sulmuesin polak teksa largohej me Audin e tij, duke e ngacmuar këtë të fundit, që zgjodhi t’i bashkohej Barcelonës, pas një lufte të vërtetë me drejtuesit gjatë verës.
Robert Lewandowski ishte në vitin e fundit të merkatos dhe kërkoi me ngulm largimin drejt Barcelonës, duke detyruar drejtuesit e Bayernit të pranojnë ofertën e klubit katalan pak ditë më parë.
Sulmuesi 33-vjeçar qëndroi për 8 sezone te Bayerni i Mynihut, ku luajti 375 ndeshje dhe shënoi 344 gola, megjithatë la zhgënjim te tifozët bavarezë, për mënyrën se si u largua gjatë kësaj vere.
