Kamza do të ketë një fushë të re stërvitore. Presidenti i Federatës Shqiptare të Futbollit, Armand Duka, përmes një postimi në rrjetet sociale ka treguar se puna po vijon me ritme të shpejta. Dhe se Kamza do të ketë një tjetër fushë të re.
Po shkon drejt përfundimit fusha e re stërvitore në Qendrën e Ekipeve Kombëtare të FSHF në Kamzë. Një investim i rëndësishëm që pasuron infrastrukturën e futbollit dhe do të shtojë kapacitetet pritëse për ekipet tona kombëtare.
Lexo edhe:
- Interi “blindon” Inzaghin, ylli i dytë në fanellë, detyrim
- Kishte folur kundër nënshkrimit me Messin, Inter Miami i tregon derën portierin
- E rëndë në Greqi, vritet tifozi i AEK-ut para ndeshjes së Championsit
- West Ham “I fiksuar” me Brojën, “çekanët” tjetër lëvizje për sulmuesin
POSTIMI I KREUT TË FUTBOLLIT SHQIPTAR
“Një tjetër fushë i shtohet Qarkut Sportiv Tiranë!
Shumë shpejt këtë fushë do ta gëzojnë fëmijët dhe të rinjtë që aspirojnë të bëhen futbollistë në të ardhmen.
Në fakt, kjo është vetëm një nga investimet e fundit, teksa FSHF po punon njëkohësisht në Shkodër, Lezhë, Lushnje, Fier, Roskovec e Berat duke ndërtuar fusha të reja, që shumë shpejt do të jenë në dispozicion të të rinjve dhe të rejave.
Infrastruktura është prioritet dhe një hallkë tejet e rëndësishme në misionin tonë për zhvillimin e futbollit!“, shkruan Duka në faqen zyrtare.
