Gana u mposht nga Portugalia 2-3 në duelin e parë të Botërorit, por gjërat mund të kishin shkuar edhe ndryshe. Trajneri Otto Addo, pas ndeshjes kishte rezerva për penalltinë që iberikët morën.
“Plani i lojës nga ana jonë ishte i mirë, por arbitri dha një penallti të paqenë për Portugalinë. Penalltia nuk ishte, të gjithë e panë sesi veproi Salisu ndaj Ronaldos. Pse e dha? Se është Ronaldo apo diçka tjetër?!”, tha fillimisht Addo.
Më tej trajneri i Ganës deklaroi: “Mund të barazonim në fund të ndeshjes, por nuk ia dolëm dot. Nuk mund të them se jam krenar, pasi kemi zero pikë. Duhet të mendojmë të fitojmë dy ndeshjet e tjera”.