Shqipëria e Futsallës fitoi 3-2 ndeshjen e parë miqësore kundër përfaqësueses së Zvicrës. Në takimin e zhvilluar pasditen e sotme në Parkun Olimpik të Tiranës, kuqezinjtë e drejtuar nga trajneri Erind Resuli arritën një sukses fantastik me përmbysje, falë një takimi emocionues dhe të luftuar.
Kuqezinjtë e nisën sfidë me këtë formacion titullar: Christiano Da Silva Cardoso, Mentor Mejzini (C), Ermir Kryeziu, Halim Selamaj, Arif Limani. Shqipëria u ndëshkua dy herë në pjesën e parë nga Buckson dhe Lanzendorfer.
Por, ekipi shqiptar nuk u dorëzua, luftoi, besoi dhe bëri gjithçka bukur në fraksionin e dytë. Në minutën e 23-të shënoi me anë të Halim Selmanajt. Ndërkohë që 5 minuta para fundit, ishte sërish Selmanaj që barazoi shifrat.
Lexoni edhe:
- “Shqipëria në Europian? Nuk është rastësi”, flet shefi i departamentit të skautëve: Ja si zgjidhen lojtarët
- FOTO/ Reagon sërish Vojvoda: Turp për Rumaninë, krenaria jonë më e madhe që jemi shqiptarë!
- “Jam tifoz i Interit”, Asllanin e nderojnë me çmimin e talenteve: Kënaqësi e madhe!
- Pas super formës me Kombëtaren, Ramadani nis menjëherë punën me Lecce për transfertën e Monzas
Në minutën e fundit të ndeshjes, kuqezinjtë arritën të përmbysnin rezultatin falë një autogoli të Buckson. Një fitore me zemër, që tregon rritjen e Shqipërisë në Futsallë.
Kombëtarja e futsallës do të luajë edhe një tjetër miqësore të premten, po ndaj Zvicrës. Duel që vjen sërish në SuperSport/DigitAlb. Miqësorja është programuar të luhet po në Parkun Olimpik, prej orës 20:00.
Këto dy takime janë shumë të rëndësishme për stafin teknik të Kombëtares së futsallit, që po punon prej kohësh për zbulimin e lojtarëve të rinj për të rinovuar skuadrën para impenjimeve të ardhshme në kompeticione zyrtare.
