Union Berlin bën detyrën në shtëpi në Bundesliga, ndërkohë që vazhdon forma e mirë e Bayer Leverkusen. Skuadra kryeqytetase, mposhti 3-0 Stuttgartin e vendit të fundit. Ekipi mik rezistoi vetëm një pjesë.
Unioni nuk u përmbajt në fraksionin e dytë të takimit, duke shënuar me Sheraldo Becker, Kevin Behrens dhe Genki Haraguchi (autogol). Suksesi i dytë radhazi shtëpiak dërgon skuadrën e Fischer në kuotën e 51 pikëve.
Me të njëjtin rezultat triumfoi edhe Bayer Leverkusen në fushën e Schalke 0-4. Jeremie Frimpong, Florian Wirtz dhe Sardar Azmoun shënuan në pjesën e dytë, duke i dhuruar “Aspirinave” fitoren e katërt radhazi në kampionat.
Lexo edhe:
- Çmenduri për golashënuesin e Serie A, një njohje e vjetër dhe Mbappe transferojnë Osimhen në Francë
- Dortmundi rikuperon 6 lojtarë para Bayernit, gati t’i prishë debutimin Tuchelit
- Precedenti i para 8 viteve dhe binjakëzimi me tifozët e Napolit, ndalohet transferta për ultrasit holandezë
- Minifutboll/ Shqipëria, një hap larg historisë! Ndaj Spanjës luhet për kualifikimin
Zona Champions League është 7 pikë larg për skuadrën e Xabi Alonsos. Ndërkohë, Schalke 0-4 rikthehet te humbja pas 8 javësh.
Barazim 2-2 mes Wolfsburgut dhe Augsburgut, përballje ku Mërgim Berisha realizoi golin e dytë për miqtë, i nënti sezonal në Bundesliga. Freiburg ngeci në një barazim 1-1 përballë Hertha Berlin (Grifo/Ngankam).
Mainz ishte befasia e madhe, pasi fitoi 0-3 në fushën e Leipzigut (Ingvartsen, Ajorque, Kohr). Dita e shtunë do të mbyllet për supersfidën Bayern Munchen-Borussia Dortmund. Der Klassiker do të transmetohet në SuperSport 2 (18:30).
