Connect with us

Hi, what are you looking for?

Featured

VIDEO/ “Vendosa bast 100 euro”, si e çorientoi Szczesny para penalltisë Messi-n

Wojciech Szczesny është padyshim një nga protagonistët absolut të Kupës së Botës në Katar. Portieri i Juventusit spikati në ndeshjen kundër Argjentinës, duke ndalur penalltinë e tij të dytë në kampionatin botëror.

Portieri ndali yllin e futbollit, Lionel Messin, i cili po gjuante nga pika e bardhë, në një moment që ndeshja Poloni-Argjentinë ishte ende 0-0.

Përtej humbjes 0-2 ndaj Argjentinës, Polonia kaloi në 1/8 e Botërorit, falë golavarazhit krahasuar me Meksikën.

Pas ndeshjes, vetë Szczesny, para se të festonte për kualifikimin në fazën e të 16-ave të Kupës së Botës, tregoi një ngjarje interesante.

Duke folur për “TV 2 Sport”, portieri i Juventusit zbuloi se çfarë ndodhi para penalltisë.

“Ne folëm para penalltisë dhe i thashë se vë bast 100 euro që nuk do ta japin”-tha ai.

Një shaka e cila megjithatë fsheh edhe një qëllim tjetër, duke qenë se me këto fjalë portieri tentoi të destabilizonte kapitenin e Argjentinës që tashmë ishte gati të ekzekutonte penalltinë.

Më pas portieri Szczesny bëri shaka për këtë: “Kështu që humba një bast kundër Messit. Nuk e di nëse bastet lejohen në Kupën e Botës, ndoshta ata do të më penalizojnë. Megjithatë, unë nuk do ta paguaj, ai ka mjaft para”.

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...