Ndarja e Gerard Pique me Shakirën, këngëtaren e famshme kolumbiane, ka bërë bujë edhe në SHBA. Mbrojtësi i Barcelonës ka vuajtur gjatë miqësores që ekipi i Xavit fitoi 1-0 ndaj Real Madrid, sfidë që u luajt në Las Vegas.
Eurogoli i Raphinhas i dhuroi fitoren katalanasve në El Clasico, ndërkohë që Pique u fut në fushë në minutën e 63’. Sa herë që 35-vjeçari prekte topin përballje me vërshëllimat e tifozëve të pranishëm në “Allegiant Stadium”.
Ndërkohë, tifozët kënduan kore për Shakirën, duke shprehur gjithë admirimin e tyre për 45-vjeçaren. Shoku i Pique, Jordi Alba komentoi i habitur pas ndeshjes atë që ndodhi në Las Vegas.
“Dëgjuam shumë vërshëllima, nuk e kuptoj pse ndodhi kështu. Pique e njohim mirë, ai nuk e vuan presionin, kështu që këto vërshëllima nuk kanë asnjë lloj rëndësie për të.
Gerard është një person i admirueshëm, gjëra të tilla vetëm sa e karikojnë edhe më shumë dhe e bëjnë person edhe më të fortë”, theksoi mbrojtësi i majtë i Barcelonës.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?