Connect with us

Hi, what are you looking for?

Kategoria Superiore

Vijojnë përgatitjet, Flamurtari stërvitet edhe nën shi

Ritëm i lartë për të fituar ngarkesën e plotë fizike. Flamurtari sfidon kushtet e motit në Antalya, ku vazhdon fazën përgatitore në kuadër të pjesës së dytë të sezonit. Skuadra vlonjate po stërvitet me ritëm të plotë pasi trajneri Shpëtim Duro e ka zbritur në fushë 2 herë në ditë ekipin.

Vetëm një ditë pas disfatës 1-0 në miqësoren me Erzurumspor, skuadra vlonjate hedh çdo gjë pas dhe fokusohet tek 90-minutëshi i së Hënës kundër Aktobes. Grupi i plotë është vënë nën urdhrat e trajnerit Shpëtim Duro. Përveç ushtrimeve fizike, një pjesë të rëndësishme ka zënë edhe përgatitja në aspektin teknik.

Një pjesë e skuadrës është ndarë në 2 grupe duke u stërvitur me një ushtrim të veçantë në formatin e ping-pongut, por në fushë të hapur. Ndeshja kundër kazakëve të Aktobes do të luhet të Hënën në orën 15:00 me orën tonë. Sfida do të zhvillohet në qytezën e Belekut.

Ky do të jetë një tjetër test i vlefshëm për trajnerin kryeqytetas, i cili synon të konsolidojë sa më shumë grupin pas ndryshimeve të bëra në merkato, në prag të një sezoni të ngjeshur dhe impenjativ për skuadrën vlonjate që i mbylli 2 fazat e para në vendin e dytë të klasifikimit.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...