Vazhdon Kaosi me futbollistët e Vllaznisë B, që pretendojnë se nuk janë paguar prej 10 muajsh dhe për këtë shkak bojkotuan stërvitjen ditën e djeshme.
Bojkoti ka vijuar edhe sot, pasi asnjë nga futbollistët nuk është paraqitur në stërvitje, duke qenë se askush nga Bashkia e Shkodrës nuk ka denjuar t’u ofrojë një zgjidhje atyre.
Ende nuk dihet se si do të vijojë fati i kësaj skuadre, ndërsa futbollistët kanë kërcënuar se nuk do të zbresin në fushë në ndeshjen e të shtunës ndaj Tërbunit, e cila mund të rezultojë deçizive sa i përket mbijetesës në Kategorinë e Parë.
Megjithatë në ‘djepin’ e futbollit shqiptar, situata nuk është aspak komode, pasi kujtojmë që edhe skuadra e parë, Vllaznia lufton për mbijetesë për të tretin vit radhazi.
