Thomas Strakosha vijon të kalojë momente shumë pozitive të skuadra e Lazios. Portieri shqiptar i priti penalltinë Dybalës dhe i dha fitoren ekipit të tij ndaj Juventusit, ndërsa pak ditë më pas rinovoi edhe kontratën me bardhekaltrit, me terma ekonomikë shumë më të mirë.
Edhe këtë javë, Lazio mposhti Cagliarin 3-0 dhe ndonëse rezultati flet për një ndeshje të lehtë për bardhekaltrit, Strakosha ka bërë sërish detyrën me disa pritje të mira. Kjo konfirmohet edhe nga e famshmja ‘WhoScored.com’, që ka zgjedhur pikërisht portierin shqiptar, në fomacionin më të mirë të javës së 9, të Serisë A. Krahas Strakoshës, në formacion bën pjesë edhe sulmuesi i Lazios, Immobile, ndërsa dominon Juventusi me 3 futbollistë.
Ja formacioni më i mirë i javës së 9 të Serisë A, sipas ‘WhoScored.com’:
Portë: Strakosha (Lazio)
Mbrojtje: De Silvestri (Torino), Rugani (Juventus), Rossetini (Genoa), Kolarov (Roma)
Mesfushë: Cuadrado (Juventus), Khedira (Juventus), Benassi (Fiorentina), Politano (Sassuolo)
Sulm: Immobile (Lazio), Zapata (Sampdoria)
After their 6-2 win over Udinese, 3⃣ @juventusfc players make our Serie A team of the week 👏👏👏 — https://t.co/x7C9pJR0Py pic.twitter.com/xL4x3sCvZH
— WhoScored.com (@WhoScored) October 23, 2017