Pasi siguroi një vend në Europa League për sezonin e ardhshëm, Villareali i besoi pankinën një eksperti të këtij kompeticioni si Unai Emery, ndërsa tani po përforcon skuadrën për të konkurruar denjësisht në La Liga dhe Europë.
Kështu vetëm pak ditë pasi morën në huazim një vjeçar talentin japonez të Realit të Madridit, Kubo, drejtuesit e “nëndetëses së verdhë” kanë zyrtarizuar sot një tjetër operacion mjaft të rëndësishëm.
Bëhet fjalë për blerjen e mesfushorit francez të Valencias, Francis Coquelin, i cili prej ditës së sotme është zyrtarisht një futbollist i Villarealit, skuadër me të cilën ka nënshkruar një kontratë të vlefshme për 4 sezonet e ardhshme.
Mesfushori 29-vjeçar u bë pjesë e Valencias në verën e 2018-ës dhe në dy sezone në “Mestalla” bëri paraqitje mjaft të mira, duke tërhequr vëmendjen e disa klubeve në Spanjë, por në fund betejën për shërbimet e tij e fitoi Villareali.