Ka përfunduar takimi i parë i mbrëmjes së sotme të Europa League-s, ai mes Astanës dhe Villarealit, i mbyllur me rezultatin 2-3. Me këtë rezultat, Villareali ka shkuar në koutën e 11 pikëve në grup, teksa ka siguruar edhe matematikisht kualifikimin për në fazën tjetër të kompeticionit.
Kazakët kaluan të parët në avantazh, në minutën e 22-të, por Villareali u kundërpërgjigj në të 39-ën dhe baraspeshoi shifrat. Në pjesën e dytë, spanjollët shënuan edhe 2 gola të tjerë, ndërsa Astana ngushtoi diferencën vetëm në minutën e 88-të.