Vinicius Junior do të jetë përforcimi i parë i Real Madridit për verën e ardhshme. Talenti brazilian i cili u ble më 23 maj të vitit të kaluar për 45 milione euro nga spanjollët mbush 18 vjeç më 12 korrik dhe klubi mendon ta grumbullojë me ekipin e parë për fazën përgatitore të sezonit tjetër. Flamengo kishte shfaqur dëshirën për ta mbajtur edhe një vit sulmuesin i cili ka luajtur deri tani 34 ndeshje dhe ka shënuar 4 gola por drejtuesit e Realit e kanë refuzuar. Në varësi të paraqitjes së brazilianit, lojtari edhe mund të huazohet 1 sezon në Spanjë që të përshtatet me futbollin europian.