Pas vetëm 1 pike të grumbulluar në 2 ndeshjet e fundit, Vitesse u rikthye te fitorja në Eredivisie dhe e bëri këtë përballë një rivali direkt si Feyenoord, duke i shkaktuar humbjen e parë në kampionat skuadrës së Dick Advocat. Në Arnhem vendosi gjithçka një gol i sulmuesit Darfalou, 5 minuta para fundit të pjesës së parë, me këtë të fundit që e pati si një lojë fëmijësh dërgimin e topit në rrjetë pas asistit të Opendas. Në pjesën e dytë Feyenoord nuk barazoi shifrat por në fund traversa i tha jo golit të skuadrës nga Roterdami që mbeti në kuotën e 26 pikëve, ndërkohë që Vitesse u ngjit në kuotën e 29 pikëve, një më pak se PSV-ja e vendit të dytë. Armando Broja edhe në këtë ndeshje mungoi për shkak të dëmtimit që pësoi disa javë më parë.
