Connect with us

Hi, what are you looking for?

Futboll

Vjen Ali Sowe nga Chievo, Skënderbeu prezanton superblerjen

Ali Sowe është prezantuar zyrtarisht si lojtar i ri i Skënderbeut. Akordi për sulmuesin nga Gambia ishte arritur prej kohësh, firma në kontratë u hodh gjatë mesjavës së kaluar, por tashmë erdhi edhe formalizimi i superblerjes së verës. 23-vjeçari u prezantua në ambientet e stadiumit “Skënderbeu” në Korçë, në praninë e menaxherit të përgjithshëm të klubit, Gerhard Takaj. Sowe pozoi me fanellën e skuadrës, ndërsa do të mbajë numrin 90 në shpinë. Sulmuesi u transferua te Skënderbeu nga klubi i Chievos në Serinë A italiane, me formulën e huazimit për një vit, ndërsa korçarët kanë opsione për blerjen e kartonit të lojtarit, por edhe për të përfituar një përqindje nga shitja e tij e mundshme në fund të edicionit.

Ali Sowe është përforcimi i dytë i Skënderbeut në repartin ofensiv, aty ku më parë është afruar malazezi Goran Vujoviç. Sulmuesi nga Gambia i është bashkuar menjëherë ekipit nën urdhërat e trajnerit Daja, por nuk do të luajë në sfidën e kthimit ndaj Mlada Boleslav.

Drejtuesit e klubit vlerësuan se Sowe nuk është ende në formën optimale fizike dhe mund ti nevojitet pak kohë të ambientohet me skuadrës. Për këtë arsye, nuk e regjistruan te UEFA për sfidat e turit të tretë kualifikues të Europa League.

Lajme të tjera

Euro 2024

Italia do të jetë kundërshtari i parë i Shqipërisë në Euro 2024, me sfidën e planifikuar për më 15 qershor në Dortmund. Trajneri Luciano...

Champions League

Mesfushori i kombëtares së Shqipërisë, Kristjan Asllani ishte përzgedhur titullar nga trajneri Simone Inzaghi në ndeshjen e Champions League të Interit në transfertë ndaj...

Lajme

Spanja në grupin e vdekjes! Marca, As, El Mundo Deportivo, Sport.es… media spanjolle është në unison sa i përket titullit që ka zgjedhur për...

Kombëtare

Short i vështirë, por të jemi optimistë. Kështu u shpreh presidenti i FSHF-së, Armand Duka në intervistën për SuperSport, ku ndër të tjera deklaroi...