Kombëtarja e futbollit të Argjentinës do të zbarkojë këtë të martë në sheshin ikonik të Obeliskut, në qendër të kryeqytetit Buenos Aires, ku një milion njerëz u derdhën dje për të festuar fitoren epike kundër Francës në finalen e Kupës së Botës.
“Skuadra kampione e botës do të niset të martën në mesditë drejt Obeliskut për të festuar së bashku me tifozët titullin e botëror”, thuhet në një postim të shkurtër të publikuar në profilin zyrtar të “Selección”.
Ky informacion u jep fund spekulimeve për një paradë të mundshme të skuadrës së drejtuar nga Lionel Messi nga ballkoni i pallatit presidencial (Casa Rosada) përballë Plaza de Mayo apo për një festë të mundshme në stadiumin “Monumental” të River Plate.