Një nga përforcimet kryesore të Luftëtarit në merkaton e verës konsiderohet Erjon Vucaj. Skkodrani me cilësitë që disponon është një element mjaft i vlefshëm për mesfushën, megjithatë prania e tij në takimin e raundit të parë eliminator të Europa Leagues është vendosur seriozisht në dyshim.
27-vjeçari nuk është aktivizuar në miqësoren e fundit që bluzinjtë zhvilluan në tokën sllovene kundër Krskos dhe gjasat janë që ai të mos jetë pjesë e sfidës ndaj letonezëve të Ventspils.
Vucaj ende nuk ka marrë dokumentacionin nga Vllaznia, ku u aktivizua sezonin e shkuar. Klubi e ka nën kontratë dhe nuk dëshiron të nënshkruajë divorcin, në krahun tjetër mesfushori kërkon që me konsensus të zgjidhet kontrata dhe t’i jepet e drejta të luaj me Luftëtarin.
Erjon Vucaj megjithëse është shkodran dhe është rritur në sistemin zinxhir të Vllaznisë, veshi për herë të parë fanellën kuqeblu si profesionist vetëm sezonin e shkuar, duke u aktivizuar në 32 takime.
Një përvojë që rezultoi në dështimin më të madh për të personalisht dhe për klubin verior që u rrëzua në kategorinë inferiore pas 56 vitesh, ndërkohë që më parë ai ka kontribuar edhe për Laçin, Flamurtarin e Tiranën