Connect with us

Hi, what are you looking for?

Kategoria Superiore

Vllaznia gjen fitoren e dytë, mposht sërish Lushnjën

Vllaznia rikthehet te fitorja dhe e bën këtë pikërisht ndaj Lushnjës, skuadrës së vetme që arriti t’i marrë 3 pikët në fazën e parë. Në takimin e prapambetur në javës së 10, shkodranët dominuan takimin dhe fituan 2-1, në një ndeshje ku mund të kishin shënuar shumë më tepër.

Shkodranët e nisin në mënyrë të përsosur sfidën, teksa mbyllin Lushnjën në gjysmëfushën e saj dhe gjejnë golin që në minutën e 5-të, me anë të kapitenit Gilman Lika, që nuk gaboi pas asistit perfekt të Hasanit. Në minutën e 22-të, sulmuesi Atsina u nis i vetëm me portierin, por u ndalua me faull nga mbrojtësi Marku dhe gjyqtari akordoi 11-metërsh. Penalltinë e ekzekutoi mbrojtësi Gocaj dhe shënoi golin e dytë për shkodranët. Nga ana tjetër, lushnjarët patën vetëm një mundësi të shkëlqyer me Sefën, por goditja e tij me kokë u prit nga portiere Selimaj.

Edhe pjesa e dytë pati pak a shumë të njëjtën tablo, por me ndryshimin se këtë herë ishte Lushnja që rihapi sfidën në minutën e 56’, me anë të mbrojtësit Meto. Gjithsesi, Lushnja nuk arrin të rrezikojë më portën e Selimajt deri në fund të sfidës, ndërsa te shkodranët bëhet protagonist sulmuesi ganez, Atsina, I cili humb të paktën 4 raste të pastra shënimi.

Me këtë fitore, Vllaznia shkon në kuotën e 9 pikëve, po aq sa ka edhe Luftëtari i parafundit. Kategoria Superiore kryesohet nga Skënderbeu me 27 pikë, i ndjekur nga Flamurtari me 20 dhe Kukësi me 19.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...