Connect with us

Hi, what are you looking for?

Kategoria Superiore

Vllaznia i bën ofertë mesfushorit shkodran, gati rikthimi i bujshëm

Vllaznia i bën ofertë mesfushorit shkodran
Vllaznia i bën ofertë mesfushorit shkodran

Vllaznia vijon fazën përgatitore në Bosnjë & Hercegovinë, nën drejtimin e trajnerit Migen Memelli, teksa drejtori sportiv Elvis Plori po punon për të përforcuar sa më shumë organikën në dispozicion të pogradecarit.

Deri tani nga shkodranët janë larguar më shumë se një formacion, teksa kanë ardhur disa futbollistë të tjerë, por së fundi drejtuesit po provojnë të rikthejnë në “Loro Boriçi” mesfushorin Ardit Krymi.

I larguar nga shkodranët një vit më parë për t’u bashkuar me Shakhtar Soligorskun në Bjellorusi, ish-kapiteni i kuqebluve nuk e ka pasur fort të lehtë përplasjen dhe kjo shpjegon edhe faktin që ka luajtur vetëm 16 ndeshje, gjysmën e të cilave i ka nisur nga stoli.

Burime për SuperSport bëjnë me dije se Vllaznia ka bërë tashmë ofertën e saj, për të rikthyer në Shkodër ish-kapitenin, teksa pritet përgjigja e Krymit, që nga ana tjetër ka premtuar se në Shqipëri nuk do të luajë me asnjë skuadër tjetër.

Lexo edhe:

Ardit Krymi do të ishte padyshim një rikthim me peshë në Shkodër, ndonëse tashmë kuqeblutë kanë edhe dy futbollistë të tjerë të ngjashëm si Lorik Boshnjaku dhe Rejan Alivoda.

Cilësitë e Krymit janë të njohura tashmë dhe një rikthim te kuqeblutë, do të ndizte edhe entuziazmin në radhët e tifozerisë shkodrane, që e ka jo pak përzemër mesfushorin luftarak.

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...

Featured

Aksionet e familjes Halili te Tirana dalin në shitje. Zyra e Përmbarimit privat Albase ka shpallur daljen në ankand të 66% të aksioneve të...

Lajme

Një thashethem i bujshëm po mbush mediat rozë në Itali, teksa këtë herë protagonistë janë mesfushori amerikan i Juventusit, Weston McKennie dhe motra e...