Connect with us

Hi, what are you looking for?

Kategoria Superiore

Vllaznia luan mbijetesën, Gjoka letër motivuese lojtarëve

Barazimi me Kamzën kompromentoi pozitat e Vllaznisë, që 3 javë nga fundi i kampionatit, rrezikon më shumë se kurrë t’i japë për herë të parë në histori lamtumirën Kategorisë Superiore.

Skuadra shkodrane ndodhet e parafundit në renditje, me dy pikë më pak se Teuta e Kamza, njërën prej të cilave duhet ta parakalojë patjetër, për të shpresuar në një qëndrim të mundshëm mes më të mirave të futbollit shqiptar.

Në prag të sfidës me Partizanin, trajneri Ernest Gjoka u ka dërguar një letër futbollistëve të tij, ku u kërkon të vijojnë deri në fund betejën, me besimin se do t’ia dalin të mbeten pjesë e Superiores.

Letra e Gjokës për lojtarët:
“E di që jeni të mërzitur e të stresuar, e di që jeni nën presionin e opinionit, e di që kjo situatë është jo pozitive…! Por, së bashku kemi kaluar shumë situata të vështira këtë dimër; kemi luftuar e sakrifikuar gjatë gjithë kohës; kemi humbur, kemi fituar, kemi barazuar, por për asnjë moment nuk kemi lënë luftën përgjysmë.

Ne do të vazhdojmë luftën, kemi prapë mundësi për t’ia dalë. Unë ju kam thënë që një burrë e humb luftën, kur i pushon zemra. Prandaj, kam besim se ne do t’ia dalim, e padiskutueshme! Nesër me kokën lart, për të bërë gati ndeshjen me Partizanin! Unë besoj tek Ju. Ju përshëndes, Nesti!”

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...