Vllaznia ia del të kualifikohet për në fazën çerekfinale të Kupës së Shqipërisë. Shkodranët nuk shkuan më shumë se barazimi 1-1 në stadiumin Loro Boriçi, megjithatë të besuarit e trajnerit Mirel Josa kishin në “xhep” edhe rezultatin e sfidës së parë që kishte përfunduar në favorin e tyre 2-0.
Sa i përket sfidës, vendasit pësuan të parët golin teksa Kaçori në minutën e 74-të kaloi në avantazh ballshiotët. Gjithsesi, tre minuta më pas ishte sërish Kaçori që u bë protagonist këtë herë për keq duke qenë se u ndëshkua me karton të kuq duke lënë të tijtë në disavantazh numerik.
Lexo edhe:
- Rumania, batuta e drejtorit dhe Tirana/ Limaj për SuperSport: Kurrë te Partizani!
- Bilanci i merkatos, Tirana dhe Partizani “fotokopje” në lëvizje
- Vllaznia në çerekfinalen e Kupës, shkodranët eliminojnë Bylisin dhe sfidojnë skuadrën kryeqytetase
Vendasit e shfrytëzuan epërsinë dhe në minutën e 85-të barazuan me anë të Rejan Alivodës që gjeti edhe golin e parë me fanellën kuqeblu. Rezultati nuk ndryshoi deri në fund dhe Vllaznia siguroi kualifikimin për në çerekfinale për të tretin vit radhazi, ndërsa tashmë Kampionët në fuqi i pret përballja me Partizanin.
