Connect with us

Hi, what are you looking for?

Kategoria Superiore

Vllaznia, në kryeqytet me frymën e duhur ndaj Tiranës

Një fitore për infarkt ajo ndaj Kukësit, por për tifozët shkodranë drithërimat ja kanë vlejtur. Falë atij goli të djalit të shtëpisë, Çoba, Vllaznia e tyre ka siguruar një fitore thelbësore në garën për Europën, duke çuar skuadën në vendin e katërt të klasifikimit. Mbi të gjitha është një fitore morali që rikthen atmosferën e duhur në kampin shkodran për sprintin final të kampionatit, ku skuadra e Plorit kërkon të ruajë pozicionimin aktual, për të shkuar në finalen e Kupës me Laçin pa presionin ekstra të një bilete për në Europë.

Kalendari e vë Vllazninë para një nga sfidave më të ndiera për tifozerinë, me skuadrën shkodrane që vjen në kryeqytet për derbin e Shqipërisë. Vllaznia në këtë sezon nuk e ka fituar asnjë herë por tanimë përballë gjen një kundërshtar që vjen nga festa e titullit, me objektivin sezonal të siguruar dhe peshorja e motivimit anon nga skuadra shkodrane.

Për më tepër Plori shkon në këtë sfidë me një grup të plotë, ku i mungon vetëm Djurdjevic. Liridon Latifi pas minutave të aktivizimit me Kukësin në këtë sfidë mund të jetë titullar që nga minuta e parë, ndërkohë që ky fund sezoni po gjen në formë dhe Victor Da Silvën, lojtarin me këmbë të mira që është vendimtar për lojën e skuadrës.

Një derbi Shqipërie ku Vllaznisë i duhet të japë maksimumin për t’u kthyer me 3 pikët nga kryeqyteti, diçka që për momentin duket plotësisht e mundur.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...