Ndërkohë që nuk ka ende një datë për rifillimin e futbollit në vend, Vllaznia ka kompletuar organikën me afrime të shumta në të gjithë repartet, por po vijon punën edhe me elementë të rinj, që mund të bëhen të rëndësishëm në të ardhmen.
Kështu ditën e sotme u njoftua arritja e marrëveshjes për të nënshkruar për 5 sezone me futbollistin e talentuar Eraldo Dede, i cili është rritur në skuadrat e moshave të klubit kuqeblu dhe madje është aktivizuar edhe me Vllazninë B.
Kujtojmë që pak ditë më parë mesfushori i talentuar ishte për një provë edhe te Apolonia, por trajneri italian i fierakëve vendosi të mos e marrë në ekip për sezonin e ri, ndaj Dede tani do të ketë mundësinë të vijojë karrierën me ekipin e tij të zemrës.