Connect with us

Hi, what are you looking for?

Conference League

Vllaznia para misionit përmbysje, Memelli projekton ndryshime!

Vllaznia para misionit përmbysje. Këtë të enjte kuqeblutë zbresin në fushë për sfidën e kthimit në raundin e parë të Conference League përballë Linfield, të karikuar për të kthyer rezultatin 3-1 të sfidës së parë.

Në Irlandën e Veriut, gjërat nuk shkuan siç duhet megjithatë ai gol i Juric në fund mban gjallë shpresat e kuqebluve që një arsye më shumë për të besuar e gjejnë te kujtimet e freskëta të një viti më parë.

Situata ishte identike, me Siroki Brijeg që kishte fituar 3-1 në Bosnje por në Loro Boriçi suksesi 3-0 i kuqebluve kualifikoi formacionin shkodran në raundin e dytë.

Trajneri Migen Memelli ka marrë shënimet e duhura nga humbja në Belfast, gjatë gjithë javës ka studiuar planin e përmbysjes me teknikun që mund të bëjë ndryshime në formacion dhe skemë.

Për sa i përket elementëve bëhet fjalë për rotacion racional, me 1 apo 2 ndryshime në 11-shen titullare, ndërkohë që skema mund të ndryshojë në 4-3-3. Gjithçka në funksion të një fitoreje që në Shkodër e presin si ujin e pakët, në këto ditë të nxehta vere.

Lexo edhe: 

Publiku në Loro Borici pritet të jetë padyshim një armë më shumë për ti dhënë krahë me mbështetjen e tij skuadrës në fushën e blertë, me impiantin shkodran ku tifozët pritet të jenë të shumtë, ndërkohë që për të gjithë ata që s’mund të jenë aty, emocionet e sfidës vijnë drejtpërsëdrejti me transmetimin në Supersport 2, duke nisur nga ora 20.45.

Një sfidë e tëra për të mos u humbur, me shpresën që Vllaznia të dhurojë një nga ato mbrëmje të denja për të mbetur gjatë në kujtesë.

 

 

Lajme të tjera

Spanjë

Lajme të mira te Real Madrid. Në seancën e fundit stërvitore, organikës së trajnerit Carlo Ancelotti-t i është bashkuar edhe Vinicius Jr. Lexo edhe:...

Featured

Rubin Kazan u përball në transfertë me Baltika, në kuadër të javës së 18-të të Premier League-s ruse. Gjashtë minuta i kanë mjaftuar sulmuesit...

Serie A

Rinovimi i Denzel Dumfries me Interin komplikohet ndjeshëm, teksa palët duket se po shkojnë drejt një divorci në fund të sezonit. Kontrata e holandezit...

Serie A

Si mund të komunikosh me portierin dhe t’i japësh udhëzime taktike kur skuadra juaj është në fushë me dy lojtarë më pak, kur kanë...