Kategoria Superiore

Vllaznia pret Kastriotin për suksesin e radhës, përballje mbijetese në Korçë

Kategoria Superiore rikthehet sot me ndeshjet e javës së 16, teksa gjithçka do të startojë në orën 13:45 me përballjen mes Kukësit e Bylisit. Verilindorët ndërprenë “hemorragjinë” e humbjeve në mesjavë, pasi ia dolën të triumfojnë me shifrat 1-3 në transfertën ndaj Apolonisë, ndërsa sot do të kërkojnë një tjetër sukses.

Në “Elbasan Arena” Kukësi është dukshëm favorit, jo vetëm për cilësitë e lojtarëve, por edhe atë të terrenit, që lejon verilindorët të shprehen më mirë, ndaj fitorja ndaj mallakastriotëve është detyrim për ta, duke qenë se edhe beteja për zonën europiane është ashpërsuar shumë.

Po në orën 13:45, në stadiumin “Skënderbeu” të Korçës do të luhet një sfidë direkte për mbijetesën, mes vendasve të drejtuar nga Julian Ahmataj dhe Apolonisë, që nën drejtimin e Cammaratës ka dhënë shenja jete.

Momentalisht korçarët janë të fundit në renditje, me vetëm 11 pikë, një më pak se Apolonia e Bylis, por gara për mbijetesë është bërë e ashpër mes këtyre tre ekipeve, ndaj ndeshja e sotme merr një rëndësi të jashtëzakonshme.

Në orën 16:45 vëmendja do të spostohet në Shkodër, aty ku Vllaznia vendase do të kërkojë suksesin e radhës ndaj Kastriotit. Kuqeblutë kryesojnë me meritë kampionatin me 9 pikë diferencë nga ndjekësit më të afërt, që janë Teuta e Partizani, ndërsa sot do të provojnë të shkëputen edhe më shumë.

Terreni i “Loro Boriçit” është një armë më shumë për shkodranët, që armën më të fortë të tyre kanë qarkullimin e shpejtë të topit dhe në mesjavë vuajtën jo pak në fushën e Ballshit, ndaj pasditen e sotme pritet ta kenë më të lehtë ndaj krutanëve.

Nga ana tjetër këta të fundit, pas nisjes së mirë të kampionatit, po vuajnë mungesat e shumta dhe kanë regjistruar disa rezultate negative radhazi, që e kanë zbritur në vendin e 7 me vetëm 17 pikë, por gjithsesi janë ende larg zonës së ftohtë.

Të tre këto takime do të vijnë live dhe ekskluzivisht në ekranin e Supersport, ashtu si emisioni i përhershëm dedikuar Superiores, “Gol pas Goli”, që do të përcjellë analiza, komente e intervistat e protagonistëve pas ndeshjeve.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency