Volejbolli italian është në zi sot, pasi ka humbur kampionen e botës në vitin 2002 me Kombëtaren italiane, Sara Anzanello.
38-vjeçarja kishte kryer një transplant në mëlçi, në vitin 2013, pasi kishte konstatuar një formë të avancuar hepatiti dhe për 5 vite luftoi me vdekjen, por sot humbi betejën përgjithmonë.
Në 2013-ën, Sara luante për një skuadër azerbajxhanase, kur konstatoi sëmundjen, ndërsa pasi kreu terapitë fillestare, iu rikthye sërish volejbollit, dhe arriti të luajë në Serinë B.
Volejbolli ishte pasioni i saj dhe 38-vjeçarja ishte një nga tifozet kryesore të Italisë në Botërorin e sapo-përfunduar, ku shoqet e saj u mposhtën në finale nga Serbia.
