Lufta Rusi-Ukrainë po shkakton shumë viktima. Rusia ka nisur prej ditësh agresionin ushtarak për pushtimin e Ukrainës, vendasit po rezistojnë fort dhe në disa qytete po zhvillohen beteja të ashpra.
Drejtori i Përgjithshëm i Shakhtar Donetsk, Sergey Palkin ka publikuar një lajm të trishtë në rrjetet sociale, aty ku njoftoi se trajneri i ekipit të të rinjve ka humbur jetën, teksa i drejtohet me një mesazh popullit rus.
“Një nga pjesëtarët e klubit tonë, i cili ishte trajner moshash, është vrarë. Ai humbi jetën pasi u godit nga një fragment i një predhe ruse. Rusia ka kryer një sulm ushtarak të tmerrshëm dhe të pabesë ndaj Ukrainës.
Rusia, nga një komb që ka bërë përpjekje të jashtëzakonshme për të mposhtur nazizmin, po kthehet në një komb terroristësh, një komb frikacakësh të heshtur. E gjithë bota po ju shikon sot.
Dhe bota pret që ju të veproni në një mënyrë që do të ndalojë çmendurinë. Por ju keni frikë, jeni të frikësuar. Rusi, ju po vrisni ukrainasit. Ndaloni këtë çmenduri! Mos heshtni, flisni! Përndryshe, do të jetë humbja juaj personale.
Një disfatë që do të mbahet mend nga të gjithë brezat që do të vijnë. Një disfatë që nuk mund të fshihet nga historia botërore. Dhe secili prej jush do të jetë fajtor dhe përgjegjës për krimet e kryera”.
[quiz-cat id=”297576″]
