Nga një gabim amatoresk i portierit të Vushtrrisë, Tahiri, në kontrollin e topit, në minutën e tretë shtesë, mori udhë goli i vetëm i sfidës mes Vushtrrisë dhe Feronikelit në stadiumin “Ferki Aliu”. Këndoren e ekzekutoi Ylli Hoxha dhe Bojku, i gjendur në vendin e duhur e devijoi topin në rrjetë, duke kthyer te fitorja (0-1) kampionët në fuqi të IPKO Superligës së Kosovës pas tri ndeshjeve aspak të mira.
Një humbje e rëndë kjo për Vushtrrinë, që nuk po arrin të dalë situata e keqe ku është përfshirë në këtë fillim sezon, duke e mbyllin fazën e parë të kampionatit me vetëm 6 pikë në plot 11 ndeshje.
Nga ana tjetër, Feronikeli shkelmon krizën e rezultateve dhe ngjitet të paktën përkohësisht në vendin e pestë, me një pikë më shumë se Prishtina.
Në këtë takim Vushtrria nuk u drejtua nga trajneri Antonio Toma, por nga ndihmësi i tij, Fitim Llapashtica, pasi sipas informatave jo zyrtare, Toma është shkarkuar nga posti para se të fillonte ndeshja.
Java 11
E martë
Vushtrria –Feronikeli 0-1
E mërkurë (14:00)
Trepça’89 – Ferizaj
Gjilani – Llapi
Drenica – Dukagjini
E enjte (14:00)
Ballkani – Flamurtari
Prishtina – Drita (18:00)