Wanda Nara dhe Mauro Icardi janë drejt divorcit, megjithatë argjentinasja është rikthyer të flaës për pozicionin e agjentes së futbollistit, duke deklaruar se është e vetmja që përfaqëson sulmuesin.
Modelja argjentinase është mburrur me punën e saj si agjente, teksa ka deklaruar se i ka siguruar ish-bashkëshortit një kontratë mjaft të mirë në aspektin financiar.
“Unë jam përfaqësuesja e vetme e Mauro Icardit. Detyra ime është të siguroj kontrata sa më të leverdisshme për Mauron dhe në transferimin e fundit te Galatasaray, kam negociuar e vetme. Jam e kënaqur me punën që kam bërë, pasi sot Mauro ka një pagë më të lartë se më shumë se gjysma e futbollistëve të kombëtares së Argjentinës. Bëj gjithçka për të, përveç se të vesh këpucët dhe të zbres në fushë”, u shpreh Wanda.