FA Cup

“Wembley” i sjell ters, talenti i Chelsea-t ka humbur 6 finale në 3 vite

Chelsea u mposht me penallti nga Liverpooli në finalen e FA Cup, teksa pas barazimit pa gola për 120 minuta, 11-metërshin vendimtar e humbi fantazisti i londinezëve Mason Mount.

Dëshpërimi i talentit anglez ishte i pamasë në “Wembley”, një stadium mitik, por që për Mason Mount është shndërruar në një arenë tersi, pasi ka humbur plot 6 finale aty, gjatë tre viteve të fundit.

Gjithçka ka nisur në 2019-ën, kur Mount ishte pjesë e Derby County dhe humbi finalen e Play Off-it ndaj Aston Villës, dike mos ia dalë të rikthehet në Premier League.

Më pas në 2020-ën dhe 2021-shin, ka humbur dy finale të tjera FA Cup me Chelsean, konkretisht ndaj Arsenalit dhe Leicesterit. Po në 2021-shin, ka humbur edhe finalen e Europianit në Angli-Itali, ku ruleta e penalltive u buzëqeshi italianëve.

Edhe ky vit ka qenë i pamëshirshëm në “Wembley” për Mason Mount, pasi më 27 shkurt Chelsea humbi finalen e Carabao Cup ndaj Liverpoolit dhe mbrëmjen e djeshme u mposht po nga “the reds” në finalen e FA Cup.

Një statistikë vërtetë e çuditshme kjo, por e mjaftueshme që Chelsea të kërkojë zhvillimin e finaleve në një tjetër stadium, pasi kombinimi “Mount-Wembley” është vërtetë i pafat.

Të Fundit

EVENTET NË SUPERSPORT

To Top
Evolve Web Agency Evolve Web Agency