Arsene Wenger është larguar nga Arsenali që prej 2018-ës, teksa në një intervistë për mediat angleze, ka deklaruar se po i ndjek me interes topçinjtë këtë sezon dhe i sheh si të aftë për të garuar për titullin kampion.
“Kanë kaluar shumë peripeci dhe kanë vuajtur sezonet e fundit, por këtë vit i shoh vërtetë mirë. Shpresoj ta mbyllin në katërshe dhe pse jo, të garojnë për titullin kampion, pasi kanë cilësitë dhe dëshirën e duhur për të bërë mirë”, tha Wenger.
Trajneri 72-vjeçar drejtoi klubin londinez për plot 22 sezone, megjithatë në katër vite thuajse ka shmangur çdo koment për “topçinjtë” dhe këtë e ka arsyetuar me dëshirën për të mos prishur punë.
“ndonjëherë duhet të ndryshosh gjithçka për të rifilluar dhe prezenca ime mund të ishte një problem. Kam dalë mënjanë për t’i dhënë klubit mundësinë të lidhet me një tjetër trajner, prandaj nuk kam folur dhe komentuar asgjë për Arsenalin. Nuk kam dashur të bëj dëme”, u shpreh Wenger.