Projektohen dy lëvizje të bujshme në merkato në aksin Liverpool-Mynih-Leipzig. Sipas tabloifit anglez “The Sun”, Bayerni po përgatit një ofertë prej 90 milionë eurosh për Roberto Firminon. Mirëpo largimi i mundshëm i braziliani drejt Bundesligës varet nga një lëvizje tjetër e bujshme në merkato. Trajneri i “The Reds”, Jurgen Klopp, do të jetë i gatshëm të privohet nga shërbimet e Firminos në rast se Liverpooli do të arrijë të blejë Timo Wernerin nga Leipzigu.
Kampionët në fuqi të Championsit janë gati për të paguar klauzolën e largimit të Wernerit, plot 60 milionë euro, madje e konsiderojnë një biznes të mirë, duke marrë në konsideratë vlerën që ka sulmuesi i Gjermanisë në merkato.
Edhe verën e kaluar Klopp tentoi të afronte Wernerin nga Leipzigu, pasi ishte drejt skadimit të kontratës, por klubi gjerman ia mbushi mendjen 23-vjeçarit të firmoste një marrëveshje të re të vlefshme deri në vitin 2023. Në këtë sezon, Werner ka shënuar 25 gola në 30 ndeshje në të gjitha kompeticionet.