Alan Pardew është trajneri i ri i West Bromwich Albion. 56-vjeçari, i cili e mori këtë detyrë pas shkarkimit të Tony Pulis, ka nënshkruar për dy vite e gjysmë, ndërsa pjesë e stafit të tij do të jetë edhe John Carver, bashkëpunëtori i tij më i ngushtë kur drejtonte Newcastle. Në Premier League Pardew, përveçse “Qymyrxhinjtë” ka drejtuar edhe West Ham e Crystal Palace. Në vitin 2012 ka fituar çmimin e Trajnerit të Vitit në Premier.
Detyra e Pardew do të ketë si objektiv të kthejë te fitoret West Brom, që ka lëshuar shumë terren në renditje muajin e fundit. Kjo skuadër aktualisht renditet në vendin e 16-të, në kuotën e 12 pikëve, vetëm 2 pikë larg zonës së rënies.