Kontrata e mesfushorit brazilian Willian me Chelsean do të përfundojë më 30 qershor të këtij viti dhe pas 7 vitesh eksperiencë me fanellën e “bluve të Londrës”, fantazisti ka vendosur të mos rinovojë as për muajt e verës.
Pikërisht për këtë arsye, në kërkim të tij javë vënë shumë klube, ndërsa së fundi kanë qenë drejtuesit e Manchester United ata që kanë mbajtur një takim me menaxherin e brazilianit, Kia Joorabchian.
Drejtuesit e “Djajve të kuq” kanë shprehur gatishmërinë t’i ofrojnë një kontratë 3-vjeçare brazilianit, me një pagë të majme prej 7-8 milionë eurosh në sezon, shifra këto që joshin jo pak Willian, pasi te Chelsea i ofruan vetëm rinovim një vjeçar.
Fantazisti brazilian ka një eksperiencë të pasur në kampionatin anglez, pasi është pjesë e Chelseat prej sezonesh dhe shikohet si njeriu ideal për të ndihmuar në rritjen e të rinjve të talentuar të Manchester United, si Marcus Rashford dhe Greenwood.