Fantazisti i Chelseat, Willian duket se i ka idetë e qarta për të ardhmen. Braziliani i shkel “syrin” dy gjigantëve të La Ligas, Realit të Madridit e Barcelonës.
29-vjeçari, i pyetur për zërat e merkatos, deklaroi se si madrilenët ashtu edhe katalanasit janë dy nga skuadrat më të mëdha të botës dhe të luash për ngjyrat e tyre është realizimi i një ëndrre për çdo futbollist.
Ai pohoi se ka edhe ekipe të tjera shumë të mira, por Real e Barça janë të veçanta për të. Në fund braziliani shtoi se Corinthians mund të jetë një mundësi për të mbyllur karrierën.
Willian luan sezonin e 5-të te Chelsea, por me Antonio Conten nuk është se po gjen shumë hapësira, ndaj është duke bërë gati valixhet, për t’u larguar nga Londra në merkaton e verës.
