Kevin Anderson është finalisti i parë i Wimbledon. Afrikano-jugori mundi amerikanin John Isner në ndeshjen e katërt më të gjatë në historinë e tenisit.
Përballja mes dy shtatlartëve zgjati 6 orë e 36 minuta dhe përfundoi me rezultatin 3-2 për Andersonin (7-6, 6-7, 6-7, 6-4 dhe 26-24).
Ndeshja më e gjatë në historinë e tenisit ka si protagonist sërish John Isner, i cili në vitin 2010, po në Wimbledon, fitoi pas 11 orë e 5 minutash lojë ndaj francezit Nicolas Mahut.
Në finale, Anderson do të ndeshet me fituesin e çiftit Rafael Nadal-Novak Djokoviç. Këta të fundit zhvilluan një përballje spektakolare mbrëmjen e djeshme, por sfida u ndërpre për shkak të orës së vonë, për të vijuar sërish sot. Në momentin e ndërprerjes, serbi Djokoviç kryesonte 2-1.
