Connect with us

Hi, what are you looking for?

Merkato

Wolfsburg “e harroi” në stol, sulmuesi kroat drejt rikthimit në Serinë A

Josip Brekalo drejt rikthimit në Serinë A. Sulmuesi anësor kroat, i cili spikati sezonin e kaluar me Torinon, në verë u rikthye te gjermanët e Wolfsburgut, por gjerat nuk i shkuan aspak sipas planeve.

Aktivizimi me pikatore i ka kushtuar jo pak futbollistit, që u ka kërkuar drejtuesve të largohet në këtë sezon merkatoje, për të luajtur rregullisht dhe rigjetur formën më të mirë.

Seria A është destinacioni i preferuar i kroatit dhe konkretisht skuadra e Fiorentinës është ajo që ka shfaqur interes konkret, duke u ofruar për ta marrë në huazim me të drejtë blerjeje në fund të sezonit.

Drejtori Sportiv i Ëolfsburgut, Marcel Schafer pranoi se ka 2-3 futbollistë të pakënaqur në ekip, mes të cilëve edhe Brekalo dhe se çështja e tyre pritet të zgjidhet në merkaton e janarit.

“Ky sezon merkatoje do të jetë shumë i qetë për ne. Nuk kemi planifikuar lëvizje nga ato që tronditin ambientin. Ka 2-3 lojtarë të pakënaqur me minutazhin që luajnë dhe besoj se çështjet e tyre do të zgjidhen në mënyrën më të mirë për të dy palët”, deklaroi drejtuesi i klubit gjerman.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...