Xavi Hernandez në konferencën për shtyp para ndeshjes që Barcelona do të zhvillojë këtë mesjavë ndaj modestëve të Linares në Kupën e Mbretit ka folur mbi situatën e Dembele, për debutimin e Dani Alves por edhe për afrimin e mundshëm të Alvaro Moratës në merkaton e janarit.
Sondazh/ Sa besoni te agjencitë imobiliare?
“Rinovimi i Dembele? Jam i qetë në pritje të lajmeve. Nuk mund të bëj gjë tjetër veçse të pres. Ousmane duhet të bëjë një sforco dhe të kuptojë që e ardhmja e tij kalon nga Barça. Projekti sportiv është ideali për të, nuk do të jetë më i lumtur në asnjë vend tjetër. Coutinho? Është një profesionst i lindur por për të afruar lojtarë duhen edhe shitjet, madje edhe që Dembele të rinovojë duhet të largohen disa lojtarë”.
Përsa i përket Dani Alves dhe Alvaro Moratës, Xavi Hernandez theksoi:
“Dani Alves është mirë, është spektakolar nëse e shikon në stërvitje. Ka ambicie të mëdha dhe është një profesionist ekzemplar. Shpresoj që të luajë çdo tre ditë, edhe pse është 38-vjeç jam i bindur se do të na ndihmojë shumë. Morata te Barça? Nuk dua të flas për hipoteza, por vetëm për lojtarët që kemi në ekip. Nëse Morata firmos me Barcelonën atëherë më bëni pyetjet që dëshironi në lidhje me të, tani jo”.