Granit Xhaka pritet që të largohet nga Arsenal në fundin e këtij sezoni. Mesfushori, i cili është dhe një nga kapitenët e skuadrës do të futet në vitin e fundit të kontratës, e natyrisht që dhe tek “topçinjtë” mendojnë që të përfitojnë diçka nga shitja e mundshme e Xhakës.
Mikel Arteta ka zbuluar dhe dëshirën e tij për të zëvendësuar Xhakën. Bëhet fjalë për Declan Rice, por West Ham kërkon 100 milionë paundë, një shifër tepër e lartë. Në skenë tani ka dalë një tjetër opsion me Bayer Leverkusen që kërkon shkëmbimin e Xhakës me Moussa Diaby.
Lexo edhe:
- Përgatitjet për ndeshjet e qershorit/ Sylvinho tur takimesh nëpër Europë me lojtarët kuqezi
- FSHF pranon finalen e Kupës së Greqisë, por me një kusht
- Dominim i Red Bullit në Miami, Verstappen thellon diferencën me Perez
- VIDEO/ Përleshje e gjashtë lojtarë me karton të kuq, degjeneron
Klubi gjerman është gati që ti ofrojë një kontratë afatgjatë futbollistit që aktivizohet me përfaqësuesen zvicerane, diçka që e tundon Xhakën për të shqyrtuar ofertën e skuadrës gjermane.
Arsenal në anën tjetër do të shtonte në organikë një lojtar me shumë cilësi, pasi Diaby ka shënuar 9 gola gjatë këtij edicioni në Bundesligë, ndërsa numëron dhe 5 realizime në arenën ndërkombëtare.
