Në “Niko Dovana”, kundër Teutës, titullar i portës së Partizanit do të jetë Dashamir Xhika, i cili u shfaq në krah të Gegës, në konferencën për shtyp para kësaj transfertë. 29-vjeçari tregon ndryshimet e Partizanit të sotëm me atë të 11-viteve më parë, kur e humbi titullin në takimin e fundit ndaj Dinamos.
“Në 11 vite ka shumë ndryshime. Kam qenë pjesë e Partizanit kur na e mori Dinamo në fund, por arritëm ta rikthejmë sërish titullin. Ka pasur shumë ndryshime pasi atëherë ka pasur shumë probleme në krahasim me kohën e sotme. Ka 6 vite që ekipi është aty dhe një ditë do të vinte që të fitonim titullin kampion.”
Xhika pritet të luajë në të gjitha takimet e mbetura të kampionatit, me Partizanin që thjesht luan për të mbyllur kampionatin, pasi nuk ka më objektiva për të arritur.
“Nuk besoj se shokët më lënë në baltë dhe do ët japin maksimumin. Do mundohem që edhe unë të jap më të mirën time.”