Yll Hoxha ka vendosur të rinovojë kontratën me Feronikelin në Vala Superligën e Kosovës.
Mesfushori 30-vjeçar, një ndër lojtarët më në formë në sezonin e kaluar te skuadra nga Drenasi, arriti marrëveshjen me drejtuesit e klubit edhe për një sezon tjetër.
Hoxha është bërë pjesë e Feronikelit në fillim të vitit 2017, pasi u largua nga Vllaznia e Shkodrës. Në Kategorinë Superiore në Shqipëri Hoxha ka luajtur gjithashtu për 3 sezone me Kukësit dhe një një tjetër me Flamurtarin.