Mesfushor danez 30-vjeçar, Christian Eriksen, që po luan sezonin e tij të parë në radhët e Manchester United, pranon se të gjithë në klub ishin të mërzitur nga largimi i Cristiano Ronaldos.
“Ne jemi të trishtuar që Ronaldo nuk është më pjesë e ekipit. Trashëgimia dhe emri i tij në çdo klub është i veçantë. Unë ndihem me fat që pata mundësinë të luaj me të. Futbolli vazhdon, në ndeshjen e ardhshme njerëzit harrojnë atë që ka ndodhur më parë dhe tani ai nuk është këtu”, tha numri 10 i Danimarkës.
Që nga largimi i Ronaldos, Manchester United ka fituar dy ndeshjet zyrtare, kundër Burnley-t dhe Nottingham Forestit.
“Jemi në një pozicion të mirë. Fillimi i sezonit ishte ndryshe në krahasim me këtë moment. Kemi dështuar në disa ndeshje, por mendoj se jemi duke u rritur”, theksoi më tej Eriksen.
