Interi rikthehet në finale të Champions League 13 vite pas Tripletës së famshme, teksa ish-kapiteni zikaltër, Javier Zanetti nuk e fsheh kënaqësinë pas ndeshjes.
Finalja – Jemi shumë të lumtur. Kur u hodh shorti i grupeve, dukej e pamundur, por falë punës së trajnerit dhe lojtarëve, ja ku jemi këtu.
Kundërshtari i preferuar – Shpresoj të mos kemi përballë Realin, pasi ky kompeticion duket sikur është bërë për ta. Megjithatë në 90 minuta ndodh gjithçka.
Lautaro – Çdo vit rritet bashkë me ne dhe jemi të lumtur që e kemi në ekip. Edhe ai ndihet si në shtëpi, ndaj shpresoj ta mbajmë sa më gjatë.
