Milionerë, por të paaftë për të mbijetuar në elitën e futbollit shqiptar. Vllaznia e Shkodrës ka shpenzuar plot 645 milionë lekë rrogë, 145 milionë lekë tatime, më shumë se 100 milionë për grumbullime dhe shpenzime ekstra. Më shumë se sa 1 miliard lekë të vjetra për të rënë nga kategoria.
Lojtari më i paguar në skuadër është Nuredin Orelesi me 620 mijë lejë të reja në muaj, kontratë që do ta ëndërronin pjesa më e madhe e lojtarëve të Superiores.
Ernest Gjoka dhe bashkëpunëtorët e tij në stafin teknik paguheshin në total thuajse 900 mijë lekë të reja në muaj.
Vllaznia është shembulli klasik sesi keqmenaxhohet një klub futbolli, pasi paratë nuk kanë munguar, përkundrazi, Vllaznia do të ishte në vendet e para të renditjes për shpenzimet vjetore.