Cristiano Ronaldo është kryefjala e mediave sportive në Itali. Çdo lëvizje e CR7 monitorohet me kuriozitet të madh. Vetëm pak orë pas mbërritjen së tij në Itali, në stilin e një “ylli” hollivudian, është zbuluar edhe banesa luksoze e tij në një zonë të rëndësishme të Torinos.
Ai do të jetojë në dy vila në pyll, në zonën e Grand Madres, aty ku jeton edhe presidenti i Ferrarit, John Elkann.
Vilat janë ngjyrë gri dhe kanë 2 hyrje, me dhoma plot dritë, ndërkohë që ato janë modifikuar së fundmi duke krijuar hapësirat për një palestër dhe pishinë të mbuluar.
E veçanta është se një nga vilat Ronaldos do të jetë ajo ku futbollisti do të jetojë me familjen, ndërsa tjetra për të ruajtur privatësinë e tij.
