Ze Maria nuk e ka harruar Tiranën dhe aq më tepër tifozët bardheblu. Edhe pse u shkarkua nga detyra për shkak të rezultateve të dobëta, trajneri brazilian do ta kujtojë gjithmonë si një eksperiencë të bukur aventurën 15 mujore në krye të 24-herë kampionëve. Ze Maria ka nostalgji për Tiranën dhe për ngjyrat bardheblu. Me një postim në profilin e tij zyrtar në Instagram, ish-mbrojtësi i Interit ka falenderuar tifozët e Tiranës duke shtuar se do të jetë gjithmonë një fans i skuadrës bardheblu.
“Ishte nder i vërtetë të isha pjesë dhe të mbroja këto ngjyra për një periudhë kohe, dhe të shihja pasionin e vërtetë të këtyre tifozëve! Faleminderit shumë dhe forca TIRONA! Unë gjithmonë do të jem tifoz i juaj”.